Hashim Ibwe: Tukianza kudekezwa kama wao tutakuwa Mabingwa kwa miaka 10

Afisa Habari wa Klabu ya Azam FC, Hasheem Ibwe amesema mafanikio waliyoyapata Azam FC msimu 2023/24 ni kwa jitihada zao binafsi kama Klabu na sio upendeleo wa aina yoyote.

Hata hivyo Ibwe anaamini iwapo Azam FC itapata upendeleo kama wanaopata vigogo wa Kariakoo basi Ubingwa utakuwa kwao kwa miaka 10 mfululizo.

Akizungumza Ibwe anasema,

“Sisi nafasi ya pili tupo kwa mpira wetu , siku ikitokea tukapelekwa kama wanavyopelekwa wao nawaapia tunaenda kuwa mabingwa miaka 10 mfululizo na hamna wa kutuzuia”

“Wakiacha kudeka wajikaze kama sisi hawatoboi , tukianza kudeka kama wao na tukadekezwa tutakuwa mabingwa miaka 10 mfululizo”