Harry Winks mbioni kujiunga na Leicester City

Harry Winks yuko karibu kujiunga na Leicester City akitokea Tottenham kwa uhamisho wa kudumu.

Leicester wanaijenga upya timu yao huku wakitarajia kurejea Ligi Kuu mara moja baada ya kushuka daraja msimu uliopita.

Winks ni mhitimu wa akademi ya Spurs lakini amepoteza nafasi yake katika timu kwenye misimu ya hivi karibuni, baada ya kukaa kwa mkopo katika klabu ya Sampdoria ya Italia, ambapo alicheza mechi 20 za Serie A.

Mchezaji huyo mwenye umri wa miaka 27 sasa amerejea London Kaskazini lakini, akiwa amebakiza mwaka mmoja tu kwenye mkataba wake, Tottenham wako tayari kumwachia.

Na anaonekana atarudi kwenye Premier League akiwa na Leicester, ambao wanakaribia kumnunua mchezaji huyo wa zamani wa kimataifa wa Uingereza kwa paundi milioni 10.

Uhamisho huo utakuwa tofauti na mkataba ambao utamfanya nyota wa Foxes James Maddison kwenda Spurs.