Harry Kane kuivaa RB Leipzig leo?

Nahodha wa timu ya Taifa England, Harry Kane amekamilisha uhamisho wake wa kujiunga na miamba ya Ujerumani, Bayern Munich kutoka Tottenham Hotspur.

Kane (30) anatua klabuni hapo kwa dau la jumla la Euro milioni 110 pamoja na nyongeza na amesaini mkataba wa miaka minne huku akitia kibindoni mshahara wa euro milioni 25 ( ≈ Tsh bilioni 68.9) kwa mwaka.

Klabu hiyo na kinara huyo wa mabao wa muda wote wa timu ya Taifa England wanashughulikia kibali cha Kane kucheza mchezo wa leo wa Super Cup dhidi ya RB Leipzig.