Harry Kane arejea mazoezini kujianda na Borussia Dortmund Jumamosi

Mshambulizi wa Bayern Munich, Harry Kane alirejea kutoka kwenye jeraha la kifundo cha mguu na kushiriki mazoezi ya klabu siku ya Jumatatu, na hivyo kumweka kwenye mkondo wa kumenyana na Borussia Dortmund Jumamosi.

Bayern ilitoa taarifa ikisema mshambuliaji huyo mwenye umri wa miaka 30 “alikamilisha kikao cha kibinafsi katika uwanja wa mazoezi wa Bayern Jumatatu asubuhi”.

Kane alitolewa nje baada ya kuumia kifundo cha mguu katika ushindi wa 5-2 wa Bayern dhidi ya Darmstadt na akakosa kufungwa kwa England 1-0 na Brazil Jumamosi.

Alisafiri kurejea Munich kwa matibabu siku ya Jumapili baada ya meneja wa Uingereza Gareth Southgate kusema kuwa fowadi huyo hatakuwa sawa kwa mechi ya kirafiki ya Jumanne dhidi ya Ubelgiji.

Nahodha huyo wa England ana historia ya matatizo ya kifundo cha mguu lakini bado hajakosa mchezo wowote kwenye ligi akiwa na Bayern msimu huu, ambapo amefunga mabao 31 katika mechi 26 alizocheza.

Bayern hawakufichua kama Kane atakuwa sawa kumenyana na Dortmund siku ya Jumamosi.

Washindi wa mataji 11 ya Bundesliga iliyopita, Bayern wapo pointi 10 nyuma ya viongozi wa ligi Bayer Leverkusen wakiwa na mechi nane za kucheza msimu huu.