Harry Kane alitaka kuja United, uongozi ukaniangusha

Kocha wa zamani wa Manchester United Ole Gunnar Solskjaer amesema kua mshambuliaji wa klabu ya Bayern Munich na timu ya taifa ya Uingereza Harry Kane alikua tayari kujiunga na Man United.

Ole Gunnar Solskjaer amesema alikua anamuhitaji mshambuliaji huyo wa zamani wa Tottenham Hotspurs na aliieleza bodi ya Manchester United juu ya kumsajili mchezaji huyo lakini timu haikua na bajeti ya kutosha.

Kocha huyo anasema jambo lililokwamisha klabu ya Manchester United kushindwa kumsajili Harry Kane ni tatizo la kifedha ambalo klabu hiyo ilikua inapitia haswa kipindi cha mlipuko wa ugonjwa wa Covid 2019.

Mshambuliaji Harry Kane inaelezwa hata dirisha kubwa lililopita alikua ndio chaguo la kwanza la kocha Erik Ten Hag, Lakini alikua anaigharimu klabu hiyo kiwango kikubwa cha pesa na ndio sababu ya kujitoa kwenye mbio za kumuhitaji mshambuliaji huyo.

Siku ya jana Harry Kane alieleza kua dirisha kubwa lililopita klabu moja tu ndio alitaka kujiunga nayo, Lakini Ole Gunnar Solskjaer amesema mshambuliaji huyo alikua yupo tayari kujiunga na klabu hiyo muda mrefu uliopita lakini ukosefu wa hela ndio ulikwamisha dili.