Uwanja wa mazoezi wa United, Carrington Training Ground
Manchester United wametoa taarifa rasmi kuhusu hali ya COVID-19 ndani ya klabu hiyo. Carrington Complex, imefungwa kwa muda.
Uwanja wa mazoezi [Carrington Complex] wa timu ya Man United, umefungwa kwa saa 24 kama sehemu ya kupunguza uwezekano wa kuongezeka kwa maambukizi mapya ya COVID-19.
Hatua hii inakuja baada ya United kuthibitisha uwepo wa waathirika wa virusi hivyo miongoni mwa wachezaji na wafanyakazi wa timu hiyo.
Kwa hali ilivyo, United wanafanya majadiliano na Premier League kuhusu mchezo wa EPL dhidi ya Brentford kesho usiku. Kwa misingi ya afya na maandalizi ya mchezo huo, huenda kukawa na taarifa kuhusu mtanange huu.
Tayari mchezo wa Tottenham Hot Spurs vs Burnley ulishaghairishwa kutokana na sababu kama hizi, itakuaje kwa United vs Brentford wiki hii?