Haji Manara amfungukia Karia

CEO wa Manara TV, Haji Manara amesema amekuwa akikutana na Rais wa Shirikisho la Mpira wa Miguu Tanzania (TFF) Wallace Karia mara kadhaa kwenye shughuli mbalimbali.

Akizungumza nyumbani kwake, Haji amesema yeye kukutana na Karia katika Iftar ya GSM siyo habari ya kushitua, kwani wamekuwa wakikutana kwenye mambo ya kijamii na yasiyo ya kijamii.

“Nimekutana na Karia mara nyingi, sema sehemu tunazokutana hazina Camera na ndiyo maana juzi nilivyokuwa naye kwenye Iftar ya GSM watu walihisi vitu vingi ambavyo havikuwa sawa wala hatukuwa pale kuzungumzia mambo yangu ya kufungiwa na yeye mara kadhaa amekuwa akikiri kuwa hana tatizo na mimi na mimi sina tatizo naye,“ alisema Haji.