Gwiji wa Man United afariki Dunia

Gwiji wa Manchester United, Sir Bobby Charlton amefariki Dunia leo Oktoba 21, 2023 akiwa na umri wa miaka 86 baada ya kusumbuliwa na tatizo la akili (dementia) tangu Novemba 2020.

Charlton anatajwa kama mmoja wa wachezaji bora kabisa katika historia ya Manchester United baada ya kuifungia mabao 249 katika mechi 758

Katika miaka 17 ya Utumishi wake Manchester, Charlton alishinda makombe matatu ya Ligi kuu England, kombe la Ulaya na kombe la FA.

Charlton mzaliwa wa Ashington aliiongoza England kutwaa kombe la Dunia 1966. Aliichezea England mechi 106 na kuifungia mabao 49.