Gift Macha: Diarra ndie alama ya Golikipa bora nchini

Mchambuzi na Mwandishi wa Habari kutoka Azam Media, Gift Macha amezungumzia uwezo unaooneshwa na mlinda mlango wa Yanga raia wa Mali Djigui Diarra kama alama ya Golikipa Bora katika Ligi yetu hapa nchini.

Diarra amekuwa na kiwango bora tangu alipowasili kujiunga na Yanga miaka mitatu iliyopita.

Akizungumza Gift Macha anasema;

"Ukweli ni kwamba Diara kwa sasa ndiye alama ya golikipa bora kwenye Ligi yetu… Kipa yeyote anayetaka kuwa bora, lazima amtazame Diara… Afanye kama Diara… Ama afanye zaidi ya Diara"

Akiwa na Yanga Diarra amebeba Ubingwa wa Ligi Kuu Mara mbili, Kombe la FA mara mbili, na Ngao ya Jamii mara mbili huku akifika Fainali ya Kombe la Shirikisho Afrika msimu uliopita.