George Mpole akabidhiwa kiatu cha Mfungaji Bora

Mshambuliaji wa timu ya Geita Gold, George Mpole amekabidhiwa kiatu cha Mfungaji Bora wa Ligi Kuu ya NBC msimu wa 2021/22 katika hafla za ugawaji wa tuzo hizo zinazofanyika usiku huu Rotana Hotel jijini Dar es Salaam.

Mpole amemaliza Ligi akiwa mfungaji Bora kwa kufunga jumla ya mabao 17 akifuatiwa na Mkongomani, Fiston Kalala Mayele wa Yanga mwenye mabao 16.

Mpole ameisaidia Timu yake kumaliza ligi ikiwa nafasi ya nne na kujihakikishia nafasi ya kucheza michuano ya kimataifa msimu ujao ambao Geita Gold watashiriki michuano ya Kombe la Shirikisho Barani Afrika.

Kwa miaka ya hivi karibuni, Mpole anakuwa mchezaji wa pili mzawa kunyakuwa tuzo hiyo. Ikumbukwe kuwa, msimu wa 2020/21 tuzo ya mfungaji bora ilichukuliwa na nahodha wa Simba, John Bocco.