Geita vs Yanga ni mechi ya kisasi leo Kirumba

Ligi Kuu ya soka Tanzania Bara inaendelea leo kwa michezo huku mechi kati ya Geita Gold na Yanga ikiwa kivutio.

Geita Gold inaikaribisha Yanga katika uwanja wa CCM kirumba jijini Mwanza ikitaka kulipa kisasi cha kupoteza kwa penalti 7-6 dhidi ya Yanga mchezo wa robo fainali Kombe la Shirikisho Aprili 10, 2022.

Yanga inaongoza katika msimamo wa ligi ikiwa na pointi 17 baada ya michezo 7 wakati Geita ipo nafasi ya 8 ikiwa na pointi 13 baada ya michezo 9.

Katika mchezo mwingine maafande wa Tanzania Prisons ni wenyeji wa Namungo katika uwanja wa Sokoine jijini Mbeya.

Namungo ipo nafasi ya 5 ikiwa na pointi 14 baada ya michezo 8 wakati Prisons inashika nafasi ya 9 ikiwa pointi 12 baada ya michezo 8.