Wachezaji wa Timu ya Geita Gold FC
Geita Gold FC licha ya kuondokewa na wachezaji zaidi ya watano (5) wakati wa dirisha dogo la usajili, tena wengi wakiwa wa kikosi cha kwanza bado imeweza kufanya vizuri katika mechi zake tatu (3) baada ya usajili wa dirisha dogo.
Baadhi ya wachezaji walioondoka Geita Gold ni Said Ntibazonkiza, Yusuph Kagoma, Kelvin Nashon, Adeyum Saleh, Yahya Mbegu, Juma Mahadhi, Miraj Athumani, Ramadhan Chombo ‘Redondo’.
Katika mechi tatu (3) ilizocheza bila nyota wengi waliotimkia timu nyingine, Geita Gold imeshinda mechi mbili (2) na kutoka sare mchezo mmoja (1).
Geita Gold 1-0 Coastal Union
Geita Gold 1-1 Polisi Tanzania
Geita Gold 2-0 Dodoma Jiji
Baada ya mchezo wa jana dhidi ya Coastal Union, Geita Gold imefikisha alama 31 huku ikiwa nafasi ya tano (5) kwenye msimamo wa Ligi mahali ambako hakuna presha ya kushuka daraja.
Kongole kwa Kocha Mkuu Fred Felix Minziro ‘Baba Isaya’ na benchi lake la ufundi, licha ya kikosi chake kutikiswa lakini bado ameanza na gia nzuri.