Geita Gold waichapa Ihefu

Timu ya Geita Gold imeibuka na ushindi wa 1-0 dhidi ya Ihefu SC katika mchezo wa Ligi Kuu ya Tanzania Bara Uwanja wa Nyankumbu mjini Geita.

Pongezi kwa mfungaji wa bao hilo pekee, mshambuliaji Juma Luizio dakika ya 41 akimalizia pasi ya kiungo Mrundi, Saido Ntibanzokiza.

Kwa ushindi huo, Geita Gold inafikisha pointi 21 katika mchezo wa 14 na kusogea nafasi ya nne, wakati Ihefu inabaki na pointi zake nane za mechi 13 sasa nafasi ya mwisho katika msimamo wa Ligi ya timu 16.