Gamondi: Ujanja wa Al-Merrikh tunaujua

Kocha Mkuu wa Klabu ya Yanga, Miguel Gamondi amesema kuwa wanafahamu vizuri mipango ya wapinzani wao, AL-Merrikh hivyo wamejiandaa kukabiliana nao kwa namna yoyote.

Gamondi ambaye ni raia wa Argentina amesema hayo kuelekea mchezo wao na Wasudan hao katika mchezo wa Ligi ya Mabingwa Afrika utakaopigwa Jumamosi ijayo nchini Rwanda.

"Sisi Yanga SC tunazo baadhi ya taarifa zao Al Merreikh, baadhi ya mastaa wapo kwenye majukumu ya timu ya taifa ya Sudan ambayo ilicheza dhidi ya DR Congo na kufungwa mabao 2-0.

"Mchezo ambao nyota saba (7) wa Al Merreikh walianza kati ya nane ambao waliitwa , kwa hiyo tunafahamu zile mechi za Kirafiki wanazocheza kwa sasa pale Kigali, Rwanda, nyota wao wengi wa Kikosi cha kwanza hawapo wapo kwenye majukumu ya timu zao za taifa," amesema Kocha Mkuu wa Yanga SC, Miguel Gamondi.