Gamondi: Kwa Yanga hii, hata Barcelona au Madrid waleteni tu!

Kocha wa klabu ya Yanga Miguel Gamondi amesema hakuna mpinzani anayemuogopa,ila anawaheshimu tu, na kwa wachezaji alionao anaweza kucheza na Barcelona au Real Madrid kwa sababu hakuna anachoogopa.

Gamondi amesema hayo jana Jumanne, Septemba 19, 2023 wakati akizungumza na waandishi wa habari kuelekea mchezo wa raundi ya tatu wa Ligi Kuu ya NBC dhidi ya Namungo FC utakaopigwa leo kwenye Dimba la Azam Complex pale Chamazi jijini Dar es Salaam.

"Naogopa.? Rafiki yangu ! Labda iwe ni Mwenyezi Mungu tu, ndiye ningeogopa, ila huu ni mpira wa miguu. Naheshimu wapinzani wetu ila sio kuwaogopa,na wachezaji hawa naweza kucheza dhidi ya Barcelona au Real Madrid. Siogopi. Ni wachezaji 11 dhidi ya 11," alisema Gamondi.