Conor Gallagher
Kiungo wa Chelsea, Conor Gallagher amegoma kuondoka Chelsea licha ya kukosa namba ya kudumu kikosi cha kwanza chini ya Graham Potter chanzo cha habari kimeripoti.
Kiungo huyo ananyemelewa na timu kibao kama Nottingham Forest, Southampton, Everton, Crystal Palace na Newcastle United, hata hivyo amegoma kusepa.
Gallagher amepanga kubaki Stamford Bridge huku akiwa na matumaini ya kupewa nafasi kwa mujibu wa kiungo huyo. Wakati huo huo taarifa zimeripoti Potter hatamuachia kirahisi dirisha hili dogo la usajili kutokana na kikosi chake kusheheni majeruhi wengi.
Gallagher alikuwa akikipiga kwa mkopo Crystal Palace msimu uliyopita, lakini akarajea Stamford Bridge akiwa na matumaini ya kupewa nafasi kikosi cha kwanza, matokeo yake mambo hayakuwa hivyo.
Kiungo huyo alikuwa na kiwango bora chini ya kocha Patrick Vieira msimu uliyopita, alifunga mabao nane na kutengeneza asisti tatu.
Kutokana na kiwango chake bora alichoonyesha Gallagher alijumuishwa katika kikosi cha England kilichocheza mechi dhidi ya San Marino, mwaka jana kabla ya fainali za Kombe la Dunia Qatar.
Vile vile kocha wa England, Gareth Southgate alimjumuisha Gallagher katika kikosi kilichoshiriki fainali za Kombe la Dunia Qatar. Hata hivyo hakupata nafasi ya kucheza licha ya kuwepo benchi.