Furaha ya Wanasimba Nusu fainali CAF

Ofisa Habari wa Simba SC, Ahmed Ally ameeleza namna wanasimba wanavyotaka kuendelea kutinga katika hatua ya Nusu Fainali katika Michuano ya Klabu Bingwa ambapo Timu hio inashiriki baada ya kufuzu hatua ya Robo Fainali.

“Furaha ya Wanasimba haijakamilika, wanatudai nusu fainali. Tunawaomba Wanasimba tushikamane, pamoja na ubora alionao Wydad lakini tukisimama kama Simba hakuna linaloshindikana.

“Mechi yetu dhidi ya Wydad AC itakuwa ni Jumamosi, saa 10:00 jioni. Mnakumbuka mechi za makundi tulicheza saa 1 usiku lakini mechi hii tumepata saa 10 na hilo ni baada ya kuwaomba CAF sababu itakuwa sikukuu ili kila Mwanasimba aje uwanjani.

“Mechi yetu itakuwa na VAR maofisa wake watafika kesho. Wydad AC na wao watafika kesho saa 5 asubuhi wakiwa na msafara wa watu 50 na watakuja na ndege ya kukodi. Waamuzi na wao watafika nchini kesho,” amesema Ahmed Ally.