Feisal awatakia ushindi Yanga leo

Feisal Salum 'Fei Toto' amewatakia ushindi Yanga SC kwenye mchezo wao wa leo wa Klabu Bingwa Afrika dhidi ya Medeama ya nchini Ghana.

Feisal alitoa kauli hiyo hapo jana mara baada ya kumalizika kwa mechi yao ya ligi dhidi ya KMC na kuibuka na ushindi wa 5-0.

"Nina imani wanaweza kupata matokeo kwani wana wachezaji wazuri ambao wanaweza kuamua matokeo, nawaombea dua waweze kushinda," alisema Feisal huku akiongeza kuwa anawatakia pia ushindi Simba.

Feisal aliichezea Yanga kwa mafanikio kabla ya kujiunga na Azam FC msimu huu wa 2023-24.