Usajili mpya wa Azam FC, Feisal Salum "Fei Toto"
Muda mchache baada ya kiungo Feisal Salum 'Fei Toto' kusaini mkataba kuitumikia Azam msimu ujao, tayari ameanza safari kurudi kwao Zanzibar.
Fei Toto amesema anarudi Zanzibar kwa wiki moja kwenda kufanya mazoezi na kupumzisha akili kutokana na kuwa na 'stress' za kukaa nje ya uwanja muda mrefu akifuatilia sakata lake.
"Naenda kufanya mazoezi alafu napumzika kwasababu nimekaa nje sana na lile sakata limeenda muda mrefu na stress zilikuwa nyingi kwahiyo nataka nikapumzishe akili ili nije kufanya kazi vizuri,"
Fei Toto amesema anaenda kukaa kwa wiki moja kisha atarudi kazini kuanza kujiandaa na msimu ujao. Azam itacheza mechi ya mwisho ya Ligi Kuu kesho Juni 9 dhidi ya Polisi Tanzania ambayo tayari imeshashuka daraja katika Uwanja wa Azam Complex na Jumatatu itakuwa Uwanja wa Mkwakwani, Tanga kucheza dhidi ya Yanga fainali ya Kombe la Shirikisho.