Farid, Bacca kuikosa Geita Gold kesho

Nyota wawili wa Klabu ya Yanga, Ibrahim Hamad ‘Bacca’ na Farid Mussa, wanatarajiwa kukosekana katika mchezo wa Ligi Kuu ya NBC dhidi ya Geita Gold.

Mchezo huo utachezwa kesho Jumamosi, Oktoba 7, 2023 kwenye Uwanja wa CCM Kirumba, Mwanza majira ya saa 10:00 jioni.

Nyota hao watakosekana kutokana na sababu mbalimbali, Farid ni majeruhi ambapo pia alikosekana katika mchezo uliopita dhidi ya Ihefu.

Kwa upande wa Bacca, anakosekana kutokana na leo Ijumaa anatarajia kufunga ndoa jijini Dodoma.