Faili la Mkude latua mikononi mwa Gamondi

YANGA imeshamalizana kimazungumzo na kiungo, Jonas Mkude lakini imeliacha faili lake kwa Kocha Miguel Gamondi afanye uamuzi wa mwisho muda wowote wiki hii atatangazwa.

Habari za uhakika kutoka ndani ya Yanga zinadai baada ya majadiliano ya muda mrefu baina ya Mkude na Yanga sasa inasubiriwa kauli ya Gamondi ili Mkude asaini na kutangazwa.

Uwezekano wa Mkude kusainishwa ni mkubwa kutokana na uzoefu wake ambao hata Gamondi ameelezwa lakini hata gharama yake ni ndogo kwani yuko huru na amekubaliana na masharti ya Yanga.