FT: Simba yachomoa dakika za jioni kwa Azam FC

Mchezo wa Ligi Kuu ya NBC kati ya Simba dhidi ya Azam Fc umemalizika kwa sare ya bao 1-1 katika Dimba la CCM Kirumba jijini Mwanza.

Katika mchezo huo ambao timu zote zilikuwa na uhitaji wa kupata alama tatu, Azam FC ndiyo walikuwa wa kwanza kupata bao kupitia kwa Prince Dube dakika ya 14 tu ya mchezo huo.

Mambo yalikuwa magumu kwa Simba ambao walisubiri mpaka dakika za nyongeza (90+1)' ndipo wakasawadhisha kupitia kwa Clatous Chama kwa mpira free kick na kuufanya ubao kusoma bao 1-1, huku Azam waliokuwa wakidhani kuwa mchezo wameumaliza, wakibaki na mshangao.

Kwa matokeo hayo sasa, Yanga anaendelea kusalia kileleni akiwa na alama 37, Azam nafasi ya pili na alama 32 wakati Simba akiwa nafasi ya tatu na alama 30.