FIFA yaifutia adhabu Kitayosce FC

Kiytayosce yakwepa rungu la FIFA baada Barua kutoka FIFA kumethibitisha kufuta shitaka lao kufungiwa kusajili kutokana na kushtakiwa na aliyekuwa kocha wa timu hiyo kwa nyakati tofauti Mostafa Soliman kuvunjiwa mkataba na kushindwa kulipwa sahiki zake.

Awali taarifa ya Kitayosce kufungiwa iliyotolewa na Shirikisho la Mpira wa Miguu Tanzania ya uamuzi wa FIFA, mabosi watimu hiyo wakaamua kujisalimisha mapema nakumlipa Kocha Soliman Sh17 milioniSoliman aliongoza timu hiyo tangu Desemba akichukua nafasi ya Kefa Kisala (Uganda) aliyeanza nayo msimu, lakini akaondoka na kwenda Fountain Gate na mwisho wa siku timu ikapanda Ligi Kuu chini ya Nkamwa, akisaidiana na Benard Fabiano.

Kitayosce imepanda Ligi Kuu msimu uliopita baada ya kumaliza nafsi ya pili kwenye msimamo wa Ligi ya Championship kwa pointi 60, huku JKT Tanzania ikiwa kinara na Mashujaa FC ikipanda baada ya kuitoa Mbeya City hatua ya mtoano (play-off).

Ofisa Habari wa Kitayosce, Pendo Lema amesema timu itaanza mazoezi mepesi chini ya kocha Henry Nkamwa, kwa sababu hawajabadilisha benchi la ufundi na watalitumia lile lile lililoipandisha timu kutoka Ligi ya Championship hadi Ligi Kuu.

Kitayosce inatarajia kuweka kambi mkoani Morogoro au Arusha, Wilaya ya Karatu katika Uwanja wa Black Rhino, ambako kote wametuma ofa ya kuweka maandalizi ya msimu wa ligi.