Wout Weghorst
Kocha wa klabu ya Manchester United Erik Ten Hag amemkingia kifua mshambualiaji wa klabu hiyo Wout Weghorst ambaye amekua na ukame wa mabao tangu ajiunge na klabu hiyo kwenye dirisha dogo la usajili la mwezi Januari.
Kocha Erik Ten Hag amesema kua ukame wa mabao wa mshambuliaji wake Weghorst ndani ya klabu ya Manchester United tangu ajiunge klabuni hapo haimpi tatizo, Kwani licha ya kutokufunga mabao kwa mshambuliaji huyo lakini kocha amesisitiza yeye anafanya wachezaji wenzake wafunge magoli.
Mshambuliaji Wout Weghorst mpaka sasa amefanikiwa kufunga goli moja pekee katika mchezo wa kombe la Carabao dhidi ya klabu ya Nottingham Forest, Lakini baada ya hapo hajasaidia upatikanaji wa goli katika jumla ya dakika 439 alizocheza.
Kocha Erik Ten Hag amesema kua mshambuliaji Wout Weghorst hajahusika kwenye kufunga mabao ya kutosha ndani ya klabu hiyo, Lakini anahusika zaidi kwenye kutengeneza mazingira mazuri ya wachezaji wenzake waweze kufunga mabao.