Edo Kumwembe: Simuoni Morisson akidumu Morocco

Wakati Taarifa za kusainiwa Morocco kwa Winga mtukutu Bernard Morisson kusainiwa mwaka mmoja nchini Morocco.

Mchambuzi wa Michezo kutoka Wasafi FM, Edo Kumwembe ametoa maoni yake kuhusiana na mchezaji huyo.

Edo anasema;

Nasikia Morrison alijaribu kuwasiliana na viongozi wa Simba lakini wakamfungia milango. Rafiki zangu Singida Fountain Gate wakamkwepa kwa sababu walizifahamu tabia zake. Hatimaye ameangukia Morocco. Sio nchi nzuri sana kwake. Afrika Kusini na Tanzania zilikuwa nchi nzuri kwake kuishi, lakini sidhani kama atafurahia maisha ya Morocco.

Nadhani maisha ya Morocco yapo kwa ajili ya wachezaji walio ‘serious’ na maisha ya soka kama Saimon Msuva. Ukiwauliza kina Chama watakwambia jinsi maisha ya Waarabu yalivyo magumu. Kwa mchezaji anayependa POMBE na WANAWAKE maisha ya Morocco hayawezi kuwa mazuri kwake.

Zaidi ya yote Morrison amekwenda katika timu ambayo imeweka makazi yake katika kambi ya Jeshi.

Kuna taratibu nyingi pia za Kiislamu ambazo kwa namna ninavyomuona mchezaji kama Morrison sijui kama atawezana nazo. Nasema hivi kwa sababu nimewahi kwenda Morocco mara mbili na najua tamaduni zao zilivyo.

Morrison alipaswa kutulia Tanzania na kucheza kwa miaka mingi ijayo kwa sababu ana kipaji kikubwa. Tatizo lake kubwa lilikuwa kuzichukulia poa timu za Tanzania.