Edo Kumwembe.
Mchambuzi nguli wa masuala ya soka nchini kupitia Wasafi Media, Edo Kumwembe amesema kuwa anawashangaa baadhi ya mashabiki wa Klabu ya Simba ambao wamekuwa wakilalamika kuwa timu yao haichezi vizuri.
Edo amesema hayo jana Alhamisi, Septemba 21, 2023 mara baada ya kumalizika kwa mchezo wa Ligi Kuu ya NBC kati ya Simba SC dhidi ya Coastal Union huku Simba wakiibuka na ushindi mnono wa bao 3-0 katika Dimba la Uhuru.
"Jana (juzi) Yanga kashinda moja kwa tabu akaupiga mpira mwingi. Leo (jana) Simba kashinda kiurahisi lakini hajaupiga mwingi. Wote wamefanya kitu muhimu pointi tatu, yote ni sawa tu.
"Nimeona kuna mahala watu wa Simba wanalalamika kuhusu kiwango. Tatizo ni kujaribu kushindana kwa kila kitu. Naona ni ujinga tu. Wakati mwingine hata kama shati lilibana jaribu kuvaa koti kubwa ujitutumue kwa mtani," amesema Edo Kumwembe.