Edo Kumwembe: Sakho, Banda hawakufikia uwezo wa Miquissone

Wakati wengi wakiona kama ni bahati nasibu Simba imecheza kwa kumrejesha nyota wake wa zamani Jose Luis Miquissone na kuachana na Pape Sakho na Peter Banda.

Hali ni tofauti kwa Mchambuzi Mkongwe Edo Kumwembe ambae yeye anaona ni sawa kabisa kwa Simba kumrudisha Miquissone katika kikosi chao kwani wachezaji walioletwa kuziba nafasi yake walishindwa kuonesha makali yaliooneshwa na nyota huyo kabla ya kutimkia Al Ahly.

Akizungumza Edo amesema;

“Luis Miquissone, Kipi alishindwa? Hakuna. Alikuwa na kasi, alikuwa ana ubora mwingi wa kufunga, alikuwa na ubora mwingi wa kupiga chenga, pia alikuwa na ubora mwingi wa kupiga pasi za mwisho. Akitokea pembeni Miquissone alikuwa hatari. Akicheza nyuma ya mshambuliaji mmoja anakuwa hatari.”

“Alipoondoka hakukuwahi kuwa na mchezaji aliyefikia walau nusu ya ubora wake. .Nani Peter Banda? Hapana. Pape Ousmane Sakho? Hapana. Walikuwa wachezaji wa kawaida tu ambao hawakuwahi hata kufikia ubora wa Hassan Dilunga wa Simba.”