Wachezaji wa Biashara
Baada ya Biashara United kucheza michezo minne ya Championship imemuibua Kocha msaidizi wa Timu hiyo, Edna Lema na kuwatetea wachezaji wake.
Mechi walizocheza Biashara wameshinda moja dhidi ya Copco FC kwa mabao 2-0, kufungwa mara moja na TMA kwa bao 1-0 na sare mbili 1-1 dhidi ya Mbuni na Pamba jiji.
Edna alisema bado kikosi hicho hakijapata muunganiko hivyo matokeo waliyoyapata katika mechi nne sio mbaya kwao.
Alisema kutokana na matokeo hayo timu inazidi kuimarika siku hadi siku hivyo anaiona timu yake ikifanya vizuri zaidi katika mechi zijazo.
"Timu yetu haiendi vibaya unaona hata anaeongoza msimamo TMA ana point nane sio mbaya kwetu kwa sababu timu ilikuwa haijaunganika ila naona matokeo mazuri yanakuja." Alisema Edna
Biashara United iko nafasi ya 10 kunako msimamo wa ligi hiyo na point tano na jumapili ijayo itakuwa Mara kuumana na Stand United ya Shinyanga.