Kocha wa klabu ya Newcastle United Eddie Howe
Kocha wa klabu ya Newcastle United Eddie Howe amefanikiwa kuweka rekodi kwenye ligi kuu ya Uingereza msimu baada ya kua kocha wa kwanza Muingereza kucheza michezo 15 mfululizo ya ligi hiyo bila kupoteza.
Klabu ya Newcastle chini ya kocha Eddie Howe imekua ikifanya vizuri mpaka sasa ikifanikiwa kushika nafasi ya tatu kwenye msimamo wa ligi kuu ya Uingereza ikiwa juu ya Manchester United, Chelsea,Liverpool, na Tottenham ambavyo ni vilabu vikubwa zaidi.
Kocha Eddie Howe ameweza kufanya vizuri kwenye timu hiyo tangu amekabidhiwa mwaka 2022 ikiwa kwenye hatihati ya kushuka daraja, Lakini mpaka sasa amefanikiwa kuifanya kua moja ya timu tishio kwenye ligi kuu ya Uingereza huku yeye akiingia kwenye vitabu vya historia kama kocha wakwanza wa Kiingereza kucheza michezo 15 ya ligi kuu ya Uingereza bila kupoteza.
Klabu ya Newcastle United mbali na kufanya vizuri lakini imekua timu yenye wastani wa kuruhusu mabao machache zaidi kwenye ligi kuu ya Uingereza mpaka sasa ikiwa imeruhusu magoli 11 ikiwa ni idadi ndogo zaidi ukilinganisha na timu zingine, Huku Vinara klabu ya Arsenal wakifata kwenye orodha wakiwa wameruhusu mabao 14.
Kocha Eddie Howe juzi ndio alifanikiwa kucheza mchezo wake wa 15 mfululizo bila kupoteza kwenye ligi kuu ya Uingereza ambapo walicheza dhidi ya Crystal Palace na kutoka suluhu ya bilabila na kuwafanya kusogea hadi nafasi ya tatu kwenye msimamo wakiwa na alama zao 39 mkononi.