Liverpool vs Man United, ni mechi ya kisasi
Majira ya Saa 1:30 Usiku kutapigwa mchezo wa Ligi Kuu ya England kati ya mahasimu wawili wenye mafanikio zaidi England, Liverpool dhidi ya Man United.
Ukiachana na utofauti wa alama 10 kwenye msimamo wa #EPL kati ya miamba hii, Liverpool dhidi ya Manchester United bado ni moja ya mitanange yenye uhasimu mkubwa kuwahi kushuhudiwa Duniani, hivyo utakuwa mtanange utakaovuta hisia za wengi.
JE WAJUA?
Mohamed Salah ndiye mchezaji wa Liverpool aliyefunga magoli mengi zaidi (10) dhidi ya Manchester United.
Marcus Rashford anahitaji goli moja leo ili aweze kuingia kwenye vitabu vya rekodi na kufungana na Ruud van Nistelrooy, Eric Cantona na Cristiano Ronaldo kama wachezaji wa Manchester United kuwahi kufunga bao kwenye mechi 6 mfululizo za Ligi kuu England.
Mchezo wa raundi ya kwanza ulimalizika kwa ushindi wa 2-1 kwa Manchester United, je leo Liverpool watalipa kisasi?