Duh! Simba wapo tayari muda wowote

KOCHA wa Simba, Pablo Franco amesema jambo kubwa alilolifanya kwa mastaa wake ni kuwajengea kujiamini,kuhakikisha wanaichapa Mtibwa Sugar, Uwanja wa Manungu.

Franco amesema wamesahau yaliyotokea mkoani Mbeya,walikofungwa dhidi ya City bao 1-0, kwa sasa nguvu yao ipo katika mechi zilizopo mbele yao.

"Matokeo ya nyuma hayana maana kwetu,kuliko kupigania pointi zilizopo mbele yetu, wachezaji wapo sawa kukabiliana na mchezo wa mbele,"amesema kocha huyo na ameongeza kuwa;

"Tunajua ni mchezo mgumu, lakini naamini wachezaji watapambana kwa kadri tuwezavyo ili kuwapa raha mashabiki wetu," amesema.