Dogo Kenya asajiliwa Manchester City

Aliekuwa Mchezaji wa Kimataifa wa Raga wa Kenya, Lucas Onyango, amekuwa Baba mwenye furaha baada ya Mtoto wake Aymen Onyango kusajiliwa na Klabu ya Manchester City ya Watoto chini ya miaka tisa (U-9).

Kupitia akaunti yake ya Twitter,Onyango alichapisha picha ya yeye na mwanae na kusema;

“Kama Baba, Mtoto wake kujiunga na klabu ya Manchester City ni wakati wa kujivunia maishani mwake”

Aidha Aymen Onyango anatarajiwa kufundishwa katika Academy hiyo huku akiimarisha ujuzi wake wa soka na baadae kucheza timu ya wakubwa.