Dodoma Jiji walidhani Yanga ni saizi yao - mchambuzi

Mchambuzi wa masuala ya soka nchini kutoka East Africa Radio, Samwel Rashid mwenyewe anajiita Wakanda Republic amesema kuwa wachezaji wa Dodoma Jiji waliichukulia yanga kama wanaimudu jambo ambalo liliwagharimu.

Mabingwa wa Ligi Kuu soka Tanzania Bara, Yanga SC wameendeleza umwamba kwenye ligi hiyo baada ya kuisasambua Dodoma Jiji FC 4-0 kwenye mchezo wa muendelezo wa ligi hiyo.

Kiungo nyota Aziz Ki alipachika mabao mawili kwenye ushindi huo na kufikisha mabao 17 kwenye vita vya kusaka.

"Mchezo wa leo (jana) Kwangu mimi ni mchezo ambao naona Dodoma Jiji walisahau kama wanacheza na Yanga... hii ni kwa sababu moja, kuna kitu ukiwa unacheza na Yanga unatakiwa ukizingatie, Space eneo la katikati hutakiwi kuziacha.

"Lakini ukiangalia Dodoma Jiji walivyokuwa wanacheza hii leo ni kama vile walikuwa wanacheza na timu ya Kawaida ikafika hatua wakawa Aggressive wakaanza kuwashambulia Yanga muda mwingi kitu ambacho kikafanya wakawa exposed sana eneo la katikati (jambo ambalo ni makosa ukiwa unacheza na timu kama Yanga)," amesema Wakanda Republic.