Dickson Job: Hizo pesa Rais Samia aandae nyingi, Mazembe watakufa

Yanga inatua leo kutoka Tunisia kwaajili ya maandalizi ya mchezo unaofuata kwenye kundi D la Kombe la Shirikisho Afrika ni dhidi ya TP Mazembe, Jumapili, Februari 19, 2023.

Yanga imepoteza mchezo wake wa kwanza kwenye mechi za makundi baada ya kupokea kichapo kutoka kwa US Monastir cha mabao 2-0 huko Tunisia Jumapili.

Beki wa Yanga, Dickson Job na Kibwana Shomary kutoka #WafupiMedia baada ya kuwasili Uwanja wa Ndege wa Dar es Salaam, wanatoa ahadi kwa Rais Samia Suluhu kuelekea mchezo wao wa Jumapili dhidi ya TP Mazembe.



"Tunamuahidi Rais Samia hizo pesa aziandae nyingi kwa sababu tunakwenda kujiandaa vizuri na tutapata mabao mengi na tutashinda katika mchezo huo. Kikubwa tuwaombe mashabiki wajitokeze kutupa sapoti," amesema Job.