Diaz aangua kilio baada ya kukutana na baba yake aliyetekwa

Hatimaye Nyota wa soka wa Colombia, Luis Diaz ameungana na Baba yake mzazi Luis Manuel Diaz baada ya mzee huyo kuachiliwa huru na wahalifu waliomshikilia kwa takribani wiki mbili.

Wawili hao walikumbatiana na kulia kwa hisia kubwa ikiwa ni mara ya kwanza kuonana tangu matatizo hayo makubwa kuikumba familia yao.

Kutekwa kwa mzee Diaz na mke wake, kulikofanywa na kundi la kihalifu la National Liberation Army (ELN) kulisababisha hasira ndani na nje ya Colombia.

Nyota huyo wa Liverpool amewasili nchini humo ili kufanya mazoezi na timu ya Taifa, tayari kwa mechi dhidi ya Brazil itakayochezwa Ijumaa.