Diarra alichemka kwa Ihefu - Mchambuzi

Mchambuzi wa masuala ya soka nchini, Stephen Abissay amesema kuwa kipa wa Yanga SC, Djigui Diarra alipiga hesabu zake vibaya wakati akiokoa freekick iliyopigwa na Never Tigere.

Mchezo huo wa Ligi Kuu ya NBC uliopigwa jana katika Dimba la Southern Highland huko Mbarali, mkoani Mbeya, Ihefu kwa mara nyingine ilifanikiwa kuibuka na ushindi wa bao 2-1 dhidi ya Yanga.

"Ule mpira ulikuja umepigwa kwa nguvu (mpira wa freekick), ulikuwa na nguvu sana kwa kipa, kipa alichokifanya ni kuu-punch eneo lile lile ambalo kwangu mimi ni Mistake (makosa), kwa Quality ya Diara alikuwa anajua kila kitu sahihi kilichokuwa kinahitajika kufanyika.

"Moja ilikuwa ni kuu-punch mpira kwa ngumi kurudisha uelekeo uliotoka, pili kuu-punch upande, juu ya lango lakini kwa upande, kama angefanya hivyo ule mwili wake ungeyumba kwa sababu mpira ulikuwa na nguvu sana, yeye angeanguka lakini mpira ungetoka kwenye uso wa goli.

"Lakini yeye aliamini kwenye kuupooza juu au kuupeleka nyuma ya goli kwa kufanya vile.....kana kwamba hakukadiria sahihi nguvu ya ule mpira ambao unakuja, kwahiyo mahesabu yake ya kuukadiria ule mpira ambao unakuja hayakuwa-superb (mazuri)," amesema Abissay Stephen.