Danilo, Juventus wafikia patamu

Sky Sport Italia imethibitisha kuwa Danilo amekubali kuongezwa mkataba na Juventus.

Mkataba wa sasa wa Danilo unaisha Juni 2024 na kwa mujibu wa ripoti hiyo, amekubali kuongeza mkataba hadi 2025 na chaguo hadi 2026. Hatapata nyongeza ya malipo, lakini mshahara wake utabaki sawa.

Beki huyo wa zamani wa Real Madrid na Manchester City kwa sasa anapokea €4m kwa msimu kwenye Uwanja wa Allianz. Alitoa mahojiano na gazeti la Tuttosport hii leo akipendekeza kwamba angeweka kalamu kwenye mkataba mpya hivi karibuni.

Wakati wa mahojiano, pia alifichua kuwa angependa kuwa mkufunzi mwishoni mwa kazi yake ya uchezaji.

Danilo alijiunga na Juventus akitokea Manchester City mwaka 2019 kwa mkataba wa kubadilishana Joao Cancelo. Amefunga mabao saba katika mechi 138 akiwa na Bibi kizee cha Turin.

Mchezaji huyo mwenye umri wa miaka 31 amekuwa mmoja wa viongozi katika chumba cha kubadilishia nguo kwenye Uwanja wa Allianz na akapewa kitambaa cha unahodha katika sare ya 3-3 dhidi ya Atalanta mjini Turin mwezi Januari.