Dani Alves afuzu vipimo vya Afya, kutambulisha Barca Jumatano

Nyota wa zamani wa Klabu ya Barcelona, Mbrazil Dani Alves 38, amefaulu vipimo vya Afya na atatambulishwa kama mchezaji mpya wa Barcelona.

Beki huyo wa kulia anatarajiwa kutambulishwa siku ya jumatano katika Uwanja wa Camp Nou, baada ya kufuzu vipimo vya Afya asubuhi ya leo.

Alves anakuja kuungana na Meneja mpya wa Barca Xavi Hernandez ambae walicheza pamoja chini ya Kocha Pep Guardiola.

Alves alikua mchezaji huru tangu aachane na timu yake kutoka nchini Brazil, Sao Paulo, Septemba mwka huu.

Xavi tangu atambulishwe kuwa Kocha mpya Barca amekua akihusishwa na kuwarudisha baadhi ya nyota waliowahi kupita Barcelona akiwemo kiungo wa Liverpool Thiago Alcantara.