Dabi ya Mamelodi na Kaizer tiketi kwisha

Kuelekea mchezo wa derby ya Gauteng, Kati ya Mamelodi Sundowns dhidi ya Kaizer Chiefs almaarufu Amakhosi utakaopigwa Jumatano katika dimba la Lucas Moripe, Mamelodi Sundowns imetangaza kuwa tiketi zote kwa ajili ya mchezo huo zimekwisha (SOLD OUT).

“Tunawahimiza wote walio na tiketi kufika uwanjani mapema iwezekanavyo. Hakuna tiketi zitakazouzwa uwanjani,” imesema taarifa ya Sundowns almaarufu Masandawana.

Awali mchezo huo ulipangwa kuchezwa kwenye Uwanja wa Loftus, ambao una uwezo wa kuchukua watu 51672 kabla ya bodi ya Ligi Kuu ya #DStv kufanya mabadiliko dakika za mwisho na kuupeleka mchezo kwenye Uwanja wa Lucas Moripe wenye uwezo wa kuchukua watu 28900.