Corona yavuruga mchezo wa nusu fainali kati ya Arsenal vs Liverpool

Mchezo wa nusu fainali ya Carabao Cup, kati ya Liverpool dhidi ya Arsenal umesogezwa mbele, sababu kubwa ikiwa ni maambukizi ya Virusi vya Corona yaliyoikumba Liverpool.

Mchezo huo uliokuwa upigwe kesho Alhamisi kwenye Uwanja wa Emirates sasa utapigwa Januari 13 kisha marudio ni Januari 20, 2022.

Liverpool chini ya Kocha Jurgen Klopp iliomba mchezo huo kusogezwa mbele kutokana na msaidizi wa kocha huyo, Pep Lijnders na wachezaji wengike kadhaa kupata maambukizi ya Virusi vya Corona, huku idadi ya majeruhi ikiongezeka.