Congo kutumia mchezo wa Nusu Fainali kuhimiza amani

Timu ya Taifa ya DRC inakwenda kuutumia mchezo wa Nusu fainali ya Mataifa ya Afrika AFCON kutuma ujumbe na kutoa pole kwa waathiriwa wa mapigano Kaskazini mwa nchi hiyo.

Wamesema kuwa hawatavaa jezi kwa ajili ya kupata ushindi bali kutuma ujumbe lakini pia na kutoa pole kwa wahanga wa mapigano lakini pia na kuomba maridhiano kati ya Serikali na Waasi.

Nahodha wa timu ya taifa ya Jamhuri ya Kidemokrasia ya Congo, Chancel Mbemba amechapisha ujumbe unaosema kuwa “Naomba mara kwa mara nchi yangu iweze kurejea katika hali ya utulivu na watu wapate amani”.

Mashariki mwa DR Congo mapigano yameendelea kuripotiwa kati ya jeshi la DRC na waasi wa M23 na kusababisha maaelfu ya watu kuyakimbia makazi yao huku wengine wakiuawa.

DRC inatarajia kukipiga na Ivory Coast kwenye Nusu fainali Februari 7, 2024 ikiwania kutwaa kombe hilo mara mbili baada ya kulibeba miaka 50 iliyopita.