Clara Luvanga apaeta tu Al Nassr

Mchezaji wa zamani wa Yanga Princess, Clara Luvanga amejumuishwa kwenye orodha ya wachezaji wa kigeni watakaoitumikia klabu ya Wanawake ya Al Nassr msimu wa 2023/24.

Clara ambaye ni Mtanzania amesajiliwa na timu hiyo ya Saudi Arabia kwa mkataba wa miaka mitatu akitokea Dux Lungrono ya Hispania.

Itakumbukwa timu ya Al Nassr ya wanaume ndiyo anayochezea staa mkubwa duniani wa mpira wa miguu Cristiano Ronaldo.