Michezo ya Ligi ya Mabingwa Barani Ulaya
Usiku wa Ligi ya Mabingwa Ulaya kwa usiku wa Jumanne umetoa matokeo ambayo yanaonyesha vigogo wengi wameibuka na ushindi mnono.
Klabu ya Manchester City iliyokuwa ugenini nchini Ubelgiji kukipiga dhidi ya Club Brugge katika mchezo wa kundi A, wameibuka na ushindi wa mabao 5-1.
Magoli ya Man City yamefungwa na Riyad Mahrez aliefunga magoli mawili, Cancelo 30', Walker na C. Palmer 67'.
Real Madrid wao walisafiri mpaka nchini Ukraine wakiwa na kumbu kumbu ya kupoteza mchezo wao wa mwisho dhidi ya Sheriff.
Katika mchezo huo Madrid waliibuka na ushindi wa magoli 5-0, yaliyowekwa kimiani na S. Krivtsov aliejifunga, V. Junior aliepachika magoli mawili, K. Benzema na Rodryigo.
Kule Uholanzi timu ya Borussia Dortmund imekumbana na kipigo cha nguvu cha magoli 4-0 kutoka kwa wenyeji Ajax huku mshambuliaji wake anaetamaniwa na vilabu vingoi kwa sasa Erling Braut Haaland akishindwa kuonyesha makali yake.
Kipigo hiko cha kushangaza kimewashtua wengi kwani Dortmund ni moja ya timu ambazo zinafanya vyema zikikutana na timu zinazocheza mpira wa aina ya Ajax.