Christian Eriksen
Kiungo wa klabu ya Manchester United Christian Eriksen yuko mbioni kurejea dimbani kunako klabu hiyo baada ya kupata majeraha katika mchezo wa kombe la FA mapema mwezi wa kwanza.
Eriksen juzi aliposti picha kwenye mtandao wake wa kijamii wa Instahram na kuonesha maendeleo ya mguu wake aliopata majeraha na inaonesha kua kiungo huyo atarudi dimbani siku za karibuni baada ya kuumia miezi miwili iliyomalizika.
Kiungo huyo wa kimataifa wa Denmark atakua kwenye nafasi nzuri ya kurejea dimbani ndani ya mwezi April kama ambavyo ilielezwa awali, Kiungo huyo alivyoumia mwezi Januari dhidi ya Reading ilisemekana atarejea ndani ya mwezi April na kila dalili zinaonesha kiungo huyo atarejea mwezi ujao.
Kiungo Christian Eriksen baada ya kuumia aliifanya klabu ya Manchester United kuingia sokoni na kusajili kiungo wa kati, Ndipo klabu hiyo ilipomchukua kiungo wa klabu ya Bayern Munich Marcel Sabitzer ambaye alijiunga na klabu ya United kwenye dirisha dogo la mwezi Januari.
Eriksen amekua moja ya viungo bora ndani ya klabu ya Manchester United baada ya kujiunga na timu hiyo dirisha kubwa lililopita kwa usajili huru, Lakini amekua msaada mkubwa kw aklabu hiyo kwenye eneo la katikati akishirikiana na Carlos Casemiro pamoja na Bruno Fernandes.