Chuga Cup 2023 yaziduliwa rasmi

Naibu Waziri wa Ujenzi na Uchukuzi, Atupele Mwakibete amezindua rasmi mashindano ya Chuga Cup yanayoendeshwa na Mbunge wa Arusha Mjini, Mrisho Gambo, Agosti 19, 2023 jijini humo.

Mwakabete amewataka vijana wanaochuana katika mashindano ya soka ya Chuga Cup kufanya bidii ili kuibua vipaji vyao.

Akizungumza wakati wa uzinduzi huo, Mwakibete amempongeza Mrisho Gambo kwa kuwapa fursa vijana ya kuonyesha vipaji vyao vya soka.

Aidha, Mwakibete amempongeza gambo kwa kuwasemea Bungeni wananchi wa Jimbo la Arusha Mjini kuhusu miradi mbalimbali ya maendeleo na kusimamia pesa za Serikali za miradi hiyo zisitafunwe na watu wachache.

Mechi ya ufunguzi wa michuano hiyo ilizikutanisha timu za Engutoto na Kaloleni.