Chelsea ya wanawake yatwaa ubingwa wa Ligi Kuu England

Chelsea imechukua ubingwa kwa tofauti ya mabao ya kufungwa na kufunga baada ya kumaliza pointi sawa na Manchester City waliokuwa wakikimbizana nao katika mbio za ubingwa.

Mbali ya kuchukua ubingwa, Chelsea pia imemaliza ligi kibabe kwa kuichapa Manchester United mabao 6-0 katika mchezo wa mwisho.

Kichapo hicho kiliwawezesha Chelsea kufikisha pointi 55 sawa na Man City, lakini wao walikaa juu kwa uwiano wao wa mabao 55 dhidi ya 46 wa Man City.

Hili linakuwa ni taji lao la saba la Ligi Kuu ya wanawake England, lakini ni la tano mfululizo tangu waanze kuchukua msimu wa 2019/20 hakuna timu nyingine iliyofanikiwa kuwapokonya.

Katika mechi 22 za ligi hiyo inayojumuisha timu 12, Chelsea imeshinda 18, sare moja na kufungwa tatu.

Wakati warembo hawa kutoka darajani wakichukua ubingwa, Bristol City ilikuwa inakamilisha ratiba tu kwani ndio timu iliyoshuka daraja msimu huu na msimu ujao nafasi yao itachukuliwa na Crystal Palace ambao ni mabingwa wa Ligi Daraja la kwanza msimu ulioisha.