Chelsea wamtangaza rasmi Caicedo, asaini Mkataba wa miaka 8

Klabu ya Chelsea imekamilisha usajili wa kiungo Moises Caicedo kwa ada ya uhamisho ya pauni milioni 115 pamoja na nyongeza kutoka Brighton.

Caicedo (21) raia wa Ecuador amesaini mkataba wa miaka minane wa kuitumikia Chelsea mpaka Juni 2031 na chaguo la kuongezeka mpaka 2032.

Caicedo anakuwa mchezaji ghali zaidi katika historia ya Ligi Kuu England akivunja rekodi ya Declan Rice iliyodumu kwa chini ya mwezi mmoja.