Andre Onana
Chelsea imejiondoa kwenye mbio za kumsajili Andre Onana, kwa mujibu wa ripoti. The Blues walikuwa wakihusishwa sana na kipa huyo wa Inter Milan, lakini sasa wameamua kutafuta kipa mwingine.
Mauricio Pochettino anataka kusajili kipa mwingine ili ashindane na Kepa Arrizabalaga, huku Edouard Mendy akifunguliwa mlango wa kutokea.
Lakini kutokana na gazeti la Evening Standard kuripoti kuwa klabu hiyo yenye maskani yake Stamford Bridge imejiondoa kwenye kinyang'anyiro hicho, sasa wataelekeza nguvu zao makipa wengine.
Kipa wa Brentford anayehusishwa na Tottenham, David Raya ni miongoni mwa kipa anayetajwa kwenye orodha ya wanaotakiwa, mwingine ni Gregor Kobel anayekipiga Borussia Dortmund na Giorgi Mamadashvili kutoka Valencia.
Chelsea pia ilikuwa na nia ya kumnunua Mike Maignan lakini hawakuwa tayari kufikia kiwango cha pesa kinachotakiwa na AC Milan. Kwa mujibu wa ripoti kipa huyo anaghatimu Pauni 80 milioni.
Sasa Manchester United wamejiweka katika nafasi nzuri ya kumsajili Onana baada ya Chelsea kujiondoa katika kinyanga'nyiro.
Endapo Onana atajiunga na Man United anatungana na kocha wake wa zamani Erik ten Hag, wawili hawa walifanya kazi pamoja hapo awali Ajax. Mashetani wekundu wanawinda kipa mwigine kwenye dirisha hili la usajili la kiangazi.
Aidha kwa upande wa Onana aliweka wazi kwamba hana mpango wa kuondoka Inter Milan kwenye dirisha hili la usajili la kiangazi.