Gavi
Staa wa Barcelona Gavi Baada ya kuonyesha kiwango cha kuvutia akiwa na Barcelona na timu ya taifa ya Spain sasa kiungo huyo ameripotiwa kuhitajika na klabu ya Chelsea ya ligi ya Premia.
Chelsea wameonyesha nia yao ya kutaka kumsajili kinda huyo wa miaka 17 na tayari wameanza kumfuatilia kwenye rada zao.
The Blues, wapo tayari kutoa kitita cha euro milioni 50 ili kinda huyo wa Kispania atue Stamford Bridge.
Lakini Barcelona hawana mpango wowote wa kumuuza kiungo huyo na wapo katika mchakato wa kumuongeza mkataba mpya ambao utakuwa na mshahara mnono.
Mara baada ya kuanza kucheza katika ligi kuu ya Spain Gavi amekuwa moja ya wachezaji wanao watazamwa kwa jicho la pekee na kwenye mchezo wa kimataifa wa kufuzu kombe la Dunia 2022 wa Hispania dhidi ya Sweden Gavi alicheza kwa kiwango kikubwa na kuibuka nyota wa mchezo huo.