Chelsea kusaka Pointi 3 dhidi ya Luton Town leo

Ligi kuu ya Uingereza EPL kuendelea hii leo kwa mchezo mmoja mbapo vijana wa Pochettino Chelsea watakuwa Starmford Bridge kucheza dhidi ya Luton Town majira ya saa 4:00 usiku.

Chelsea imeanza msimu vibaya mara baada ya kukosa pointi sita kwenye mechi zake mbili alizocheza huku mechi ya kwanza akitoa sare dhidi ya Jogoo, na ya pili akipoteza dhidi ya West Ham.

Timu hiyo ilikuwa na msimu mbaya uliopita, baada ya kumaliza katika nafasi ya ya 12 ya msimamo wa EPL, na hivyo hatashiriki michuano ya Ligi ya mabingwa msimu kwa kukosa vigezo hivyo.

Klabu hiyo ya London imefanya usajili mkubwa sana chini ya Toddy Boehly kwa kuwaleta wachezaji kama Nkunku, Jackson, Caicedo, Lavia na wengine kibao lakini bado hawajaanza vizuri msimu huku Christopher akiumia.

Leo hii watamenyana dhidi ya Luton ambayo ilianza mchezo wake kwa kupoteza dhidi ya Brighton wikendi ya kwanza, wikendi iliyopita hakucheza hivyo atataka pointi tatu leo hii dhidi ya Blues.